Еңбек шарты жыл сайын жасала ма?

Мен жекеменшік колледжде жұмыс істеймін. Колледжбен арадағы еңбек шартын әр жыл сайын жасауым керек пе?
Сара Төлеуғазина, Шығыс Қазақстан облысы
Еңбек және халықты әлеуметтік қор­ғау министрлігінің сарапшы ма­ман­дарының айтуына қарағанда, бі­рін­шіден, еңбек заңнамасы Қазақстан Республикасының аумағында орна­лас­қан бүкіл мекемелер мен ұйым­дарға (олардың ұйымдық-құқықтық және меншік нысанына қарамастан) қол­данылатынын атап өткен жөн. Ал екіншіден, ҚР Еңбек кодексінің 29- бабының 1-тармағының 2-тармақша­сына сәйкес, бұрын бір жылдан кем емес, белгілі бір мерзімге шарт жа­сас­қан қызметкермен жеке еңбек шарты қайтадан жасалған жағдайда, оның ішінде еңбек шартының мерзімі ұзар­тыл­ған кезде, ол белгіленбеген мерзімге жасалған болып есептеледі.
Бұл жағдайда еңбек шартын қайта жа­саудың қажеті жоқ.