Еңбек демалысы кезінде жұмыстан шығаруға болмайды

Мен кезекті еңбек демалысында жүрген кезімде жұмыс беруші мені жұмыстан шығарып тастады. Бұл қаншалықты дұрыс, заң бойынша оның бұлай етуіне құқығы бар ма?
Гүлжан, Жезқазған қаласы
Заңгер Кәрібай Тасшабаевтың айтуынша, еңбек демалысы кезінде жұмыс берушінің бұлай әрекет етуі заңға қайшы болып табылады екен. Өйткені Қазақстан Республикасы Еңбек кодексінің 55-бабында: «Жұ­мыс берушінің бастамасымен жеке еңбек шартын қызметкер еңбекке уақытша жарамсыз және жыл сайын­ғы еңбек демалысында болған кезде бұзуға жол берiлмейдi» делінген. Демек, осы бапқа сәйкес, сіздің жағ­да­йыңызда жұмыс берушінің сізбен еңбек шартын бұзуына еш құқығы жоқ. Алайда уақытша еңбекке жа­рам­сыздықтан кейін жұмыс беруші­нің сізбен еңбек қатынастарын бұ­зуы­на құқығы пайда болады.