Ең көп тараған есім – Мұхаммед

Халқымыз «балаға қандай ат қойылса, оның болашақ тағдыры соған байланысты болады» деп жатады. Әлемде қандай есім ең көп тарағанын айтсаңыздар екен.
Сәбира Мақажанова, Жамбыл облысы
Бала – адамның бауыр еті. Қай ата­-ана да өз шаңырағында шыр етіп сә­би дүниеге келгенінде оған ерекше ықы­лас­пен ардақты адамдардың атын қою­ға тырысады. Сонымен бірге бала есі­мін беделді кісілерге қойғызуды да ұмыт­па­ған. Қазіргі сәбилердің арасында Абай, Әбіл­қайыр, Кенесары Марғұлан, Қаныш, Мағ­жан, Ақжүніс секілді есімдердің кездесуі отан­дастарымыздың тарихи тұлғаларды тануға, олардың еңбектерін ұлықтауға де­ген көзқарасын аңғартады. Өкінішке қа­рай, мағынасы бұлыңғыр, әрі ұлтымызға тән емес адам аттары да көп. Бұл ата-ана­лар­дың немқұрайдылығын байқатады. Кісі есімін зерттеген ғалымдардың ай­туын­ша, бүгінде әлемде ең көп тараған есім – Мұхаммед. Бұл – дүниежүзі тұр­ғын­д­арының Мұхаммед (с.ғ.с) Пайғам­барға деген айрықша құрметінің белгісі. Мұсылман елдерін айтпағанда, өткен жы­лы Ұлыбританияның өзінде 5 991 сәби осы есімді иеленген. Одан кейінгі орын­дар­да Ахмет, Махмұт, Жүсіп есімдері бар. Ал қыз балалар арасында Айша есімі кең тара­ған екен.