Елімізде қанша Халық қаһарманы бар?
Халық қаһарманы атағы кімдерге беріледі? Осы уақытқа дейін осы атақпен марапатталған азаматтар туралы білгім келеді.
Ернар АРДАҚҰЛЫ, Семей қаласы
Халық қаһарманы aтағы 1993 жылы белгіленген. Бұл атақ Қазақстан Республикасына ciңірген аса көрнекті қызметі үшін, оның бостандығы мен тәуелсіздігі жолындағы азаматтық және жауынгерлік ерліктері үшін беріледі. Халық қаһарманы атағына ие болған адамдарға айрықша ерекшелік бeлгici — «Алтын жұлдыз» және «Отан» ордені тапсырылады. Бұл атақпен 22 адам марапатталған. Олардың ішінде Сағадат Нұрмағамбетов — армия генералы, Қазақстан Республикасының тұңғыш Қорғаныс министрі, Әзірбайжан Мәмбетов — КСРО Халық әртісі, Хиуаз Доспанова — 1941—1945 жж. Ұлы Отан соғысының ардагері, Қасым Қайсенов — жазушы, 1941—1945 жж. Ұлы Отан соғысының ардагері, Роза Бағланова — КСРО Халық әртісі, Тоқтар Әубәкіров — Қазақстанның 1-ші ғарышкер-ұшқышы, Талғат Мұсабаев — Қазақстанның 2-ші ғарышкер-ұшқышы, Мұхтар Алтынбаев — Қазақстанның Штаб бастықтары комитетінің төрағасы, т.б. елімізге еңбегі сіңген қайраткерлер бар.
