Бос қызмет орындарын қайдан, қалай тапсам болады?
Мен 2009 жылы Л.Н.Гумилев атындағы Еуразия ұлттық университетін қазақ тілі мен әдебиеті мамандығы бойынша бітірдім. Мемлекеттік мекемелерде мемлекеттік тілде іс қағаздарын жүргізетін мемлекеттік қызметкер болып жұмыс жасағым келеді. Менің мүмкіндігім бар ма? Бос қызмет орындарын қайдан, қалай тапсам болады? 
Лаура, Астана қаласы
Алдымен мемлекеттік қызметке орналасу конкурс арқылы жүргізілетінін атап өткен жөн. Осы орайда, мемлекеттік органда бос жұмыс орны пайда болғанда «Мемлекеттік қызмет туралы» ҚР Заңының талаптарына сәйкес, мемлекеттік орган республиканың басты ресми басылымдарында, атап айтқанда «Егемен Қазақстан» мен «Казахстанская правда» газеттерінде бос жұмыс орындары туралы хабарландырулар жариялайды. Әдетте, мұндай хабарландырулар аталған газеттерде апта сайын сенбілік нөмірлерінде жарияланып отырады. Сонымен қатар сіз еңбек рыногындағы бос жұмыс орындары туралы мәліметтерге тұратын жеріңіздегі Жұмыспен қамту органында ие бола аласыз.
