«Болашақ» халықаралық стипендиясына кімдер ие бола алады?

«Болашақ» стипендиясы аясында мемлекеттік қызметкерлер­дің одан әрі білім алуы үшін маман дипломының орташа балдық көрсеткіші неше болуы керек?
Болатхан САРЫБАЕВ, Алматы қаласы
«Болашақ» халықаралық сти­пен­диясына Қазақстан Республи­ка­сының кез келген азаматы мына мақсатта үміткер бола алады:
медицина мамандықтары бо­йын­ша магистр, доктор, ғылым кан­дидаты дәрежесін алу;
ғылыми тағылымдамадан өту.
Үміткерлер конкурс негізінде іріктеледі.
Конкурсқа қатысушы үшін мін­детті шарт:
магистр, философия докторы, сала докторы дәрежесіне өз беті­мен түскендер санаты бойынша қа­тысатын үміткерлер үшін – ба­калавр немесе маман дипломы­ның орташа балы  4,50 балдан кем емес (5,0-ден);
мемлекеттік қызметшілер, ғы­лы­ми-педагог қызметкерлер, жо­ғары оқу орнының түлектері са­нат­та­ры бойынша қатысатын үміт­­­­кер­­лер үшін – бакалавр немесе ма­­­ман дипломының орташа ба­лы 4,00 балдан кем болмауы (5,0-ден)  тиіс.
«Болашақ» халықаралық сти­пен­диясы бір рет тағайындалаты­нын естен шығармау қажет. «Бо­ла­шақ» бағдарламасы шең­­берін­де жыл сайын халық­ара­лық стипен­дия тағайындауға ар­нал­ған квота белгіленеді. Тех­ника­лық және ме­дициналық мамандық­тар бойын­ша үміткерлер үшін, сондай-ақ ауыл жастары, мемлекеттік қыз­мет­шілер, ғылыми және педагоги­калық қызметкерлер арасынан үміт­к­ерлер үшін шет тілін білу деңгейі төмен­детілді.