Бізде вегетациялық кезең деген ұғым бар ма?

Көктем басталды. Көп елдердің тәжірибесіне жүгінсек, осы кезде вегетациялық, яғни өсімдіктерді дамыту шаралары басталады. Қазақстанда осындай тәжірибе бар ма?
Ж.Асанбек, Қызылорда облысынан
Құзырлы сала мамандарымен хабарласқан едік, біздің елде де вегетациялық кезең басталып кетті. Нақтырақ айт­сақ, сәуір айының басында.
Қазақстанның оңтүстік аймақтарында алдағы вегетация­лық кезеңге дайындық жұмыстары жүргізіле бастады.
Су ресурстары комитетінің бассейндік инспекциялары  жергілікті атқарушы органдармен бірлесіп, барлық су шаруа­шылығы жүйелерін – суару каналдарын тазарту және су нысандарында, реттегіш құралдарында, бекеттерде жөндеу жұмыстары жүргізіліпті. Осы шараға жауапты сала­ның бассейндік инспекциялары Алматы, Оң­түстік Қазақстан, Жамбыл және Қызылорда облыстары әкім­шілік­терінің ауыл шаруашы­лығы басшылығымен, және аудандық әкімдік­те­рінің кәсіп­керлік, ауыл шаруа­шылық бөлімдерімен бірігіп жерлердің жуылуы және суарылуы үшін қажетті су пайдалану лимиттерін анықтау жұмыстарын жүргізіп жатыр. Су ресурстары осы жұмыстың нәтижесінде бекітілген суару жоспарлары негізінде бөлінеді.
Естеріңізге сала кетейік, ҚР Су кодексінің 121-бабының 3-тармағына сәйкес, шағын су объектiлерiнiң су ресурстарын арнайы су пайдалану тәртiбiмен пайдалану – су қорын пайдалану және қорғау саласындағы уәкiлеттi орган. Осындай су пайдаланудың салдарларын зерттегеннен кейiн және мемлекеттiк экологиялық сарап­таманың оң қорытындысы болған жағдайда ғана мүмкiн болады екен.