Би-Би-Си 35 тілде қызмет көрсетеді

Би-Би-Си телеарнасы қанша тілде қызмет көрсетеді?
Әлия Мұратқызы, Өскемен
Би-Би-Си (British Broadcasting Cor­po­ra­tion, BBC) – Ұлыбританияның ра­дио және телевизия кешені. Әлемге тарайтын телерадиокешен мемлекет­тік БАҚ емес, бұл – ағылшын пат­шайымы бекіткен құрамында 12 қам­қоршысы бар Бақылау кеңесінен тұра­тын қоғамдық ұйым. Би-Би-Си телеар­насының тарихы 1922 жылдан бастау ала­ды. Ал Би-Би-Си-дің халықаралық қызметі 1932 жылы басталды. Бүгінде Ұлыбри­танияда Би-Би-Си-дің 20 теле­арнасы, 14 ұлттық сандық радио­стансысы, бірнеше интернет-сайты, 40 шақты журналы бар. Сондай-ақ корпорацияға BBC Prime, BBC Canada және BBC America секілді халық­аралық арналар да қарайды. Жалпы, әлемнің 35 тілінде қызмет көрсете­тiн Би-Би-Си-дің көрермендері мен тың­дар­мандары жер шарының бар­лық елінде бар. Әлемнің ең танымал теле­арнасы тәулігіне 24 сағат бойына үзіліс­сіз ақ­парат таратады.