Ауғанстан соңғы 125 жылда 23 мәрте мемлекеттік туын ауыстырған

Осы әлем тарихында қай ел өз мемлекеттік туын көбірек ауыстырып, жаңартып отырған?
Жігер, Батыс Қазақстан облысы
Аласапыраннан көз ашпаған Ауғанстан мемлекеті соңғы ғасыр­да мемлекеттік туын жиі-жиі ауыс­тыр­ған. 1880 жылдан бері, яғни 125 жыл ішінде Ауған елі мем­ле­кет­тік туын 23 рет алмастырған екен. Бұл соңғы 125 жылдағы Ау­ған­с­тан­­ның билік басында бір­не­ше әу­лет пен саяси режимдердің ауы­­суы­­мен байланысты. Дурра­ний­лер империясы кезінде (1747—1823 жж.) ақ-жасыл жо­лақ­ты ту болды. Ауғанстан Эмира­ты тұсында қара түсті ту үш рет өз­герді. Ауғанстан Корольдығы ке­­зін­­де мемлекеттік ту – 5 рет, одан кейінгі Дауд дик­тату­расы үс­тем­дік құрған заманда – 2 рет, Ау­ғанс­тан Демократиялық Республи­ка­сы уа­қы­тын­да – 5 рет, Солтүстік альянс кезінде – 2 рет, Ауғанстан Ис­лам Эми­ра­ты кезінде – 2 рет, қа­зір­гі Ау­ғанс­тан Ислам Рес­публи­ка­сы ке­зін­де 3 рет мем­ле­кеттік ту ауыст­ырыл­ған. Оның ішінде қап-қара ту да, ақ түсті жалау да жо­ға­ры көтерілді, кейін мемлекеттік ту қара, қызыл жә­не жасыл түске өзгерді. Ту­дағы қара түс та­ри­хи және діни бел­гіні айшық­таса, қызыл түс ко­рольдың жоғары би­лігі мен азат­тық үшін күрестің сим­во­лы болды, ал жасыл түс үміт пен та­бысты паш етті.