Атышулы Гуантанамо – әлемдегі ең қымбат түрме

Әлемдегі ең қымбат, мемлекеттен орасан зор қаржыны талап ететін түрме қайсы және қай елде орналасқан?
Ержан КӨШІМБАЕВ, Алматы
Британская «Дейли мейл» газетінің хабарлауынша, Кубада орналасқан АҚШ-тың Гуантанамо әскери-теңіз базасына қарасты түрмесі әлемдегі ең қымбат түрме екен. Ресми деректер бойынша, Гуантанамодағы әрбір тұтқынға жылына шамамен 800 мың доллар қаржы жұмсалады, бұл дегені­ңіз – АҚШ-тың колледжінің төрт жыл­дық оқуына төленетін қаржыдан әлденеше есе артық деген сөз. Яғни Гуантанамо түрмесіндегі әрбір тұтқын­ға АҚШ-тың басқа түрмеле­ріндегі тұтқынға кететін шығыннан 30 есе көп қаржы кетеді.  
Гуантанамо түрмесіндегі бір тұт­қын­ның күндік ас-суына кететін орта­ша шығын – 38,45 доллар, яғни бұл басқа түрмедегілерден бес есе көп. 
Айта кету керек, Гуантанамо түр­месі 2002 жылы қаңтарда АҚШ-тың сол кездегі пре­зиденті  Джордж Буш­тың өкімімен ашылған. Қазіргі кезде бұл түрмеде 171 тұтқын бар.