Аталары батыр болған ба?

Мұқаңның ер тұлғалы, кесек мінезді болғаны айтылып жүр. Ал ақындығына тіпті сөз жоқ. Арғы аталарында батырлар болған ба?
Нұрдәулет ЕРМҰРАТҰЛЫ, Қапшағай қаласы
Мұқағалидың Қойбас деген алтыншы атасы мен Райымбек батырдың әкесі Түке – Хангелдіден бірге туған, ағайынды кісілер. Яғни Мұқағали арғы атасында Райымбек батырмен туысады.
Дегенмен ақынның өз әкесі де, атасы да қарапайым, шаруа адамдар болған. Кері­сінше, Мұқаңды бауырына салып өсір­ген Тиын әжесі өте айбынды, қатал әрі ше­шен адам болыпты. Ата-әжесіне табиғи бол­ғандықтан да Мұқаң өзінің Нағиман ана­сын жеңге орнына санап, «Нақа» деп атаса керек. Тиын әженің ер мінезділігі сон­шалық – тіпті бірде көкпарда мертігіп қалған күйеуі Мақатайдың жіліншігінен сынып, тек терісіне ғана ілініп қалған аяғын «Бұл енді саған аяқ болмайды» деп, дәрігердің келуін күтпестен шауып тастаған. Сөйтіп, сынықты жуып, уақ сүйектерден тазалап, қанын тоқ­татып барып таза шүберекпен таңып қой­ған. Соны білетін ауыл адамдары «Мұ­қа­ға­ли­дың қайсарлығы тура әжесіне тартқан» дейді екен.