Астананың да ауасы таза емес екен

Еліміздің астанасында ауа тазалығын бақылайтын тұрақтар бар ма? Бас қала атмосферасы қаншалықты таза?
Әсел Шәкенқызы, Батыс Қазақстан облысы
ҚР Қоршаған ортаны қорғау министрлігі мамандарының мәлі­ме­тінше, Астанада және еліміздің басқа да қалаларында атмос­фе­ра­лық ауа­ның жағдайын бақылайтын тұрақтар бар. Елордада мұндай тұрақтар қала­ның жеті жерінде орналасқан. Олар қала аума­ғын­дағы ауаның құрамын өлшенген заттар, еритін сульфаттар, күкірт қос­тотығы, көміртегі оксиді, азот қос­тотығы және фторлы сутегі мөл­­шері бойынша тексереді. Өткен қыркүйек айындағы көрсеткіш бойын­­ша, Астана ауасының ластану дең­гейі (7,7 индекске тең) арта түс­кен. Ауа құрамында азот қос­то­тығы (28 %) мен басқа да зат­тар­дың (69 %) қалыпты мөлшерден артық екені анықталды. Бірақ мамандар елорда атмосферасын экстремалды жоғары деңгейде ластанған аймақтар қата­рына жат­қыз­байды.