Арман қандай адам?

Мәскеуде «Муз-ТВ»-ны басқаратын Арман Дәулетияровтың өз өмірі жайлы білгім келеді. Қандай отбасынан?
Сәуле, Алматы
Кітабының тұсаукесеріне келген бас­па­сөз өкілдеріне өз өмірбаяны жайлы автор былай деді:
– Ресейдің Орынбор облысында өте қа­рапайым отбасында туылдым. Ата-анам нәпақасын таза өз еңбектерімен тауып жейтін адамдар еді, тіпті әкемнің кө­лігі де жоқ еді. Алайда арманым тау­дай еді. Дәл бүгінгі өмірім – менің бір кез­дегі арманым: «тым құрыса, Алла Пу­га­чеваның жанына бір барсам, болмаса осы бүгінгі достарым Батырхан Шү­ке­нов­тер­мен шүйіркелесіп отырып шай іш­сем» деген құштарлық мені сонау де­рев­нядан Мәскеуге жетеледі. Мәскеуде ең құры­ған­да қарсы алатын бір адам та­был­са менен бақытты жан болмас еді дей­тінмін. Қарсы алушының қолында ша­ры мен балмұздағы болса деген бала арманымды айта сал­ғанмын ғой бірде, сөйтсем келесі жолы барғанымда, аэ­ро­порт­та мені Батырхан досым күтіп тұр: қо­лында – шары мен шіл­денің шыжыған кү­ніне шыдамай еріп кет­кен балмұздағы.