Кейде лифтіге неше түрлі бейтаныс адамдармен бірге мінуге тура келеді. Сондай кезде «мұндай адамдар маған шабуыл жасаса, не істеймін?» деген ой келеді. Тағы бір сұрайын дегенім, кейде ұры-қарыдан жапа шеккен адамға полицейлер «оны суреттеп бер» деп жатады. Ондай адамдарды қалай суреттеу керек?
Гүлзия, Астана қаласы
Адамға шабуыл жасауы мүмкін адамдарды психологтер үш топқа бөледі: 1) мінез-құлқында көзге көрінетін ауытқуы жоқ, психикалық қалыпты адамдар; 2) психикалық қалыпты, бірақ арақ не есірткіден мас адамдар; 3)психикасында патологиялық ауытқуы барлар. Лифтіге мұндай адамдармен бірге мінген кезде олардың физикалық өлшемдеріне айрықша назар аударған жөн. Бойының ұзындығын, салмағын, дене бітімін ойша шамалап, ерекше белгілерін есте мықтап ұстау керек. Әрекеттеріне қарап, арнайы спорттық дайындығы бар ма, жоқ па, соны да ажыратуға болады. Кездескен адамның әрбір ерекше қимыл-қасиетін есте сақтау сіз үшін маңызды. Сізге жәбір көрсете бастаған адамның шашының түсіне, көздерінің, құлақтарының, мұрны мен маңдайының пішініне назар аударыңыз. Арам ойы бар адамның сөйлеу мәнері мен дауысын да есте сақтаңыз. Мұның барлығы кейін оны полицияға ұстап беруге көмектеседі.
Арам ойы бар адамды қалай ажыратуға болады?
Последние статьи автора