«Америка дауысы» АҚШ-та неге таратылмады?

Бүкіл дүниежүзіне тарайтын «Америка дауысы» радиостансысы АҚШ-тың өзінде неге таратылмай келді?
Ерболат, Алматы
1942 жылы нацистік үгіт-на­си­хатқа қарсы саясатты жүргізу мақсатында «Америка дауысы» радиостансысы құрылып, со­ғыстан кейін 40 тілде таралды. Ал қырғиқабақ соғысы кезінде америкалық үгіт-насихаттың аса күшті құралына айналды. Қара­пайым америкалықтардың бұр­маланған ақпараттарды тұ­тынуы­нан қауіптенген Конгресс 1948 жылы Смит-Мундт заңын қабылдап, АҚШ тұрғындарына Мемлекеттік департаментке «Аме­рика дауысы», «Азаттық радиосы» және өзге де БАҚ арқылы тікелей хабар таратуға тыйым салды. Дегенмен сол тыйымға қарамастан, қысқа толқынды қабылдағыш ар­қылы, кейінірек интернет арқылы ра­дио­ны тыңдай алды. Бұл шектеу биыл алынып тасталды.