«Алтын адамды» кім ұрлады?

«Алтын адам» жайлы жаңа кино түсіріліпті», Тәуелсіздік мерекесі кезінде көрсетіледі екен деп естідік, осы қауесет пе, әлде шын ба?
Гүлзат Шынтаева, Түркістан қаласы
«Жел тұрмаса, шөптің басы қимыл­да­май­ды» дегендей, «Алтын адам» құнды экспонаты жайлы жаңа туынды жарық көргені рас. Дә­лірек айтсақ, ол шытырман оқиғалы фильмге арқау болып отыр. Әлдебір қарақ­шы­лардың торуылдауымен қолды болған әлгі жәдігерді тонады деген айыппен Айша есімді басты ке­йіпкер түрмеге жабы­лады. Өзінің жазық­сыз­дығын дәлелдеу әрі Қазақ елінің мақтанышы болып саналатын «Алтын адам» экспонатын құтқару үшін Айша түрмеден қашады. Фильм­де қаршадай қазақ қызының өршіл рухы, қиын­дыққа қасқая қарсы тұрған қайсар бей­несі, Отанға, сүйген жарға деген ыстық ма­хаб­баты қатар өріледі.
Басты рөлдерде Гауһар Нұрмағанбетова, Сан­жар Мәдиев, Қорлан Жолжақсынова, Меруерт Өтекешова, Меңтай Өтепбергенов жә­не т.б. елге белгілі әртістер ойнаған бұл фильмнің режиссері – Еркін Рақышев.
Тәуелсіздік тойына тарту ретінде ұсыныл­ған фильм желтоқсанның 16-сынан бастап Ал­маты және Астана кинотеатрларында көр­се­тілді.