Әлемдегі ең үздік интеллектуалды топ – журналистер мен саясаттанушылар

Әлемдік саясатқа ықпал ететін интеллектуалды зиялы орта бар ма және олардың кімдер екенін білуге бола ма?
Махамбет БАСЫҒАРАЕВ, оқушы
Әлбетте, бар. Әйгілі Foreign Poli­cy журналы 2005 жылы және 2008 жы­лы әлем­дегі 100 интеллектуалды зия­лылар­дың рейтингін жариялады. Сіздің сұра­ғыңызға жауап беру үшін сол журналдың былтырғы рейтингі­сі­нің қорытындысын ұсынып отыр­мыз. Сонымен үшбу журнал бойын­ша ең үздік интеллек­туал­ды жүздік қатарында 17 саясаттанушы, 15 эко­номист, 12 философ, 12 журна­лист және жазушы, экологтар, заң­гер­­лер, діни көшбасшылар, қоғам қайрат­керлерінің есімдері аталады. Тізімді дін өкілі Фетһуллаһ Гүлен бастап тұр. Бұл тізімге журналист-сая­саттанушылар Фа­рид Закариа, Томас Фридман, саясатта­нушылар Самуэль Хантингтон, Фрэнсис Фукуяма, та­рих­шы Бернард Луис, Рим Папасы Бе­недикт XXVI, лингвист-саясат­танушы Ноам Хомски, қоғам қайрат­кері Эл Гор, әскери стратег Дэвид Пет­реус, кана­далық ғалым Майкл Игна­тьефф, мысырлық теолог Жүсіп әл-Кардауи, бри­тандық тарихшы Найал Фергюссон, неміс философы Юрген Хабермас, британдық биолог Ричард Доукинс, дат экологы Бьерн Ломборг, сомалилік жазушы Айан Хисри, Сингапур саяса­тының пат­риар­хы Ли Куан Ю, үндістандық экономист Ама­ратья Сен, жазушы Умберто Эко, пәкіс­тандық жазушы Салман Рушди, чех мем­лекет қай­раткері Вацлав түрік мемлекет қай­раткері Орхан Памук, Перу мемлекет қайраткері Марио Варгас Льоса, ресейлік атақты шахматшы Гарри Кас­паров, эко­номист Егор Гайдар енген.