Әлемдегі «ең ақылды қала» – Сеул

Астанамыз алдағы 20 жылда «ақылды қалаға» айналмақ. Осы мақсатта Smart Astana («Ақылды қала») жобасын жүзеге асырумен айналысатын «Астана Innovations» АҚ құрылды. Қазіргі кезде әлемдегі «ең ақылды қала» қайсы?
Гүлмира Байжанбайқызы, Есік қаласы
Ericsson компаниясының Arthur D. Little кон­салтингтік фирмасымен бірлесіп құ­рас­тыр­ған рейтингісінде Сеул әлемнің «ең ақыл­ды қаласы» ретінде танылып отыр. Рей­тингте Сеулден кейінгі орынды Сингапур ен­шіледі.
Сондай-ақ алғашқы ондықтан Сток­гольм, Нью-Йорк, Лондон, Токио, Париж, Пе­кин, Лос-Анджелес және Шанхай ша­һар­лары көрінді. 11-тұғырға Мәскеу қа­ла­сы орналасты. Рейтингті құрастырушылар қа­ла өмірін жақсартудағы бағдарламаларға, әсі­ресе денсаулық сақтау, білім, экономика жә­не қаланы тиімді басқару саласында ақ­па­раттық-коммуникациялық техноло­гия­лар­ды жылдам әрі сапалы қолдану мәсе­ле­сіне баса назар аударған. Бірінші орын ал­ған Сеулде экологиялық бағдарламалар то­­лық жүзеге асырылса, ал Сингапурде денсау­лық сақтау саласына инновациялық жетіс­тік­терді кеңінен енгізген.