«Айқапты» кімдер шығарды?

Биыл «Айқап» журналының жарық көргеніне 100 жыл толыпты. Бұл басылымда кімдер жұмыс атқарып, қандай мәселелер көтерілген?
Нұрлыбек, Қызылорда
Зерттеушілердің нақты деректе­ріне сүйенсек, «Айқап» журналы Ре­сей­дің Троицк қаласында 1911 жыл­дың қаң­тар айында тұсауы кесіліп, 1915 жыл­дың қыркүйек айына дейін шы­ғып тұрды. Алаштың айтар ойын ашық жет­кізген «Айқап» журналының шығуына қа­зақтың белгілі ақыны, жур­налист, жазушы Мұхаметжан Се­ралин сынды қай­раткер тұлғалар се­бепкер болған. Қазақ ұлттық баспасөз та­рихындағы тұң­ғыш журнал ең ал­дымен халықты оқу-білімге ша­қы­рып, ағартушылық дәстүрді нысана етті.
Журналдың тұңғыш нөмірінде Ах­мет Байтұрсыновтың әйгілі «Қазақ­тың өкпесі» деген мақаласы жария­лан­­ды. «Айқап» журналы бас­қар­масында Мұ­хаметжан Сералинмен бip­гe сол тұстағы танымал ақын, жа­зу­шы, дра­матург Әкірам Ғалымов, бел­гілі ақын, жур­налист Мұха­мед­сәлім Кәшімов, көр­некті ақын Сұл­тан­махмұт То­рай­ғыров еңбек етіп, өз шығармаларын жа­риялап тұрды. Мағ­жан Жұ­ма­баев­тың, Сәбит Дө­нен­таевтың, Сәкен Сей­­фул­линнің, Tahиp Жомарт­баев­тың, Мір­жақып Дулатов­тың, Қошке Ке­­мең­геровтің, Ах­мет Мәметовтің, Мұстақым Мал­ды­баевтың, Кен­же­ғали Ғаб­дул­лин­нің, Самат Әбішевтің, Бай­батыр Ер­жановтың алғашқы өлең­дері «Ай­қап­та» жарық көрді. Жур­нал со­ны­мен бip­гe аударма әде­биет­ке де на­зар ау­дарды. Бұған Ә.Фер­доусидің «Шах­на­ма» эпо­пея­сы­нан ауда­рыл­ған «Рүс­тем-Зораб» та­ра­уы, жазушы Ли­­ха­нов­тың «Манап» дра­масы, И.Кры­ловтың, М. Лер­мон­товтың, А. Пуш­киннің, А.Че­ховтің, А.Со­ро­кин­нің қа­зақ­ша­лан­ған еңбек­те­рі мы­сал бола алады.