Жартылай орта салмақтағы қазақстандық боксшы Батыр Жүкембаев кәсіби рингтегі өзінің 6-шы жеңісіне қол жеткізді деп хабарлайды ҚазАқпарат Sports.kz сайтына сілтеме жасап.
Осы жолы Жүкембаев Монреалда (Канада) өткен 6 раундтық кездесудің 5-ші раундында мексикалық Иван Перейруды нокаутқа түсірді. Бұл Жүкембаевтың кәсіби рингте өткізген 6-шы кездесуі және жеңісі.
Монреалда «Давид Лемье - Кристиан Фабиан Риос» кездесуінің аясында өтіп жатқан бокс кешінде тағы бір қазақстандық кездесу өткізді.
Жеңіл салмақтағы жерлесіміз Абылайхан Құсайынов төрт раундтық кездесудің екінші раундында венгриялық Атилла Череклиді нокаутқа түсірді. Сөйтіп, ол үш кездесудің үшеуінде де жеңіске жетті.