Орта салмақта IBF чемпионы Дэниэл Джейкобстың (35-2, 29 КО) промоутері Эдди Хирн америкалық боксшы алдағы жекпе-жекте WBC, WBA (Super) белбеулерінің иегері мексикалық Сауль "Канело" Альваресті (51-1-2, 35 КО) жеңетініе сенеді.
Олардың жекпе-жегі 4 мамыр Лас-Вегастағы T-Mobile аренасында өтеді.
"DAZN жеңісті қалайтынын білемін. DAZN сіздер мықтысыздар, бірақ, сенбіде сендердің жоспарларың іске аспайды. Джейкобс жеңсе, DAZN қыркүйекке жоспарлаған жекпе-жектері өтпейді", - деп келтіреді промоутердің сөзін BadLeftHook.com.
Осылайша, промоутер "Канеломен" қазақстандық Геннадий Головкин (38-1-1, 34 КО) арасындағы трилогияны меңзеп отыр. Хирннің ойынша, бұл кездесу өтпейді.
"Келісімшартта (Джейкобспен) "Канелода" қарымта мүмкіндігі бары көрсетілген, оған бұл мүмкіндік өте қажет болады", - дейді Хирн Fighthype басылымына берген сұхбтында.