АҚШ-тың Анкасвилл қаласында өткен бокс кешінің орта салмақтағы WBC титулы үшін жекпе-жегінде амеркиалық Джермалл Чарло (31-0, 22 KO) украиналық Сергей Деревянченконы (13-3, 10 KO) төрешілер шешімімен жеңді, - деп хабарлайды Vesti.kz.
Кездесу толық 12 раунд өтіп, Чарло - 116-112, 117-111 және 118-110 есебімен басым түсті.
Айта кетейік, Деревянченко 2019 жылы қазанда қазақстандық Геннадий Головкинге де титулды жекпе-жекте есе жіберген. Ал Чарло былтыр желтоқсанда ирландиялық Деннис Хоганды жеңіп, ол кезде де титулын қорғап қалған.