Ғалымдар адамдарға суицид туралы ой жиі келетін мезгілді анықтады
Адамның өмірден түңіліп, торығуы (бұған жеке бастың қамынан бастап, қоғамдық немесе әлеуметтік факторлар себеп болып жатады) адами фактор тұрғысынан қалыпты жағдай саналғанымен оның арты жақсылықпен аяқтала бермеуі мүмкін, кейбіреуілері күүйзеліске бой алдырса, кейбіреуі өз-өзіне қол жұмсауды ойлайды. Десе де ғалымдар мұндай қатерлі ойдың жылдың қай мезгілінде жиі келетінін анықтады, - деп хабарлайды Alashainasy.kz. Бұл жайында islam.kz тілшісі Naked Science ақпарат көзіне сілтеме жасап жазды.
Ғалымдардың пайымдауынша, адамға өз-өзіне қол жұмсау туралы қауіпті ойлар желтоқсан айының таңертеңгісін көбірек келетін болып шықты.
Ал суицид туралы ойлардың шарықтау шегі наурыз айында және жаздың басына тұспа-тұс келеді.
Халықаралық ғалымдар тобы табаны күректей алты жыл бойы он мыңдаған адамды қадағалай келе осындай тұжырымға келіп отыр.
Қыстың көзі қырауда күн жарығының жеткіліксіздігінен адамның психикалық жай-күйі төмендейді, осыдан барып қатерлі ой қылаң береді. Бұл ойды жарты жыл ішінде жүзеге асыру қатері жоғары болатыны да расталып отыр.
Бақылау кезінде өз-өзіне қол жұмсауға оқталу оқиғалары осы аралықта көбірек тіркелген.
