Қарағанды облысында жол апатынан 3 адам ажал құшты
27 тамыз кешкі сағат 18:30 шамасында Қарағанды - Аягөз - Бұғаз тасжолында, Қарқаралы қаласынан 20 шақырым жерде Mercedes-Benz автокөлігінің 35 жастағы жүргізушісі алдын ала болжам бойынша көліктің басқаруына ие бола алмай, жолдың қарсы бағытына шығып, 45 жастағы азаматтың басқаруындағы Toyota Land Cruiser 100 автокөлігімен соқтығысқан, - деп хабарлайды Alashainasy.kz тілшісі POLICE_of_KZ телеграм арнасына сілтеме жасап.
Жол-көлік оқиғасы салдарынан Mercedes-Benz көлігінің жүргізушісі мен екі жолаушысы қаза болды.
Ал Toyota Land Cruiser 100-дің жүргізушісі мен екі жолаушысы ауруханаға жеткізілді.
Тиісті сараптамалар тағайындалып, тергеу әрекеттері жүргізілуде.
Жол апаттарының негізгі себебі - жылдамдықты арттыру және қарама-қарсы бағытқа шығу. Жол қауіпсіздігі әрбір жол қозғалысына қатысушының жеке тәртібіне байланысты.
Полиция барша жол қозғалысына қатысушыларды жол ережесін қатаң сақтауға шақырады.
Соңғы сағатта көп оқылған жаңалықтар осында Massaget.kz
