Маңғыстауда жантүршігерлік жол апатынан 19-20 жастағы төрт жігіт қаза тапты

Маңғыстау облысында жол-көлік апатынан 4 адам қайтыс болып, тағы бір адам ауруханаға түсті, - деп хабарлайды Alashainasy.kz. Бұл туралы Нalyq-uni.kz тілшісі Облыстық полиция департаментінің баспасөз қызметіне сілтеме жасап жазды. 

Ведомство мәліметінше, оқиға 25 ақпан сағат 11:42 шамасында Сай-Өтес - Бейнеу тасжолының 383-шақырымында болған.

Алдын ала ақпарат бойынша, «Toyota Camry» автокөлігінің жүргізушісі қарсы қозғалыс бағытына шығып, автовозбен соқтығысқан. Жол-көлік оқиғасы салдарынан автовоз өртенген.

Жол апатынан 2003 және 2004 жылғы 4 жігіт көз жұмып, тағы бір адам Бейнеу аудандық ауруханасына жеткізілген.

Науқаста бас миының контузиясы, жабық бас сүйегі, ми жарақаты бар. Сүйек сынықтарының ығысуы, сол жақтағы сан сүйегі диафизінің жабық сынуы, сол жақ білегінің екі сүйегінің ашық сынуы, өкпе контузиясы, бет жарасы анықталды. Науқас травматикалық шок алған, - дейді аудандық аурухана директорының орынбасары Әсия Шонтыбаева.