Маңғыстау облысында жеңіл көлік түйеге соғылды
Маңғыстау облысында жантүршігерлік жол апатынан үш адам зардап шекті. Түнделетіп жүйіткіп келе жатқан жеңіл көлік жолда түйені қағып кеткен, - деп хабарлайды Alashainasy.kz тілшісі КТК.kz-ке сілтеме жасап.
Оқыс жағдай «Жетібай-Шетпе-Бейнеу-Доссор» тас жолының 207-ші шақырымында болған.
Қараңғыда «Lada» көлігінің жүргізушісі түйеге соғылған. Салдарынан үш адам зардап шегіп, дереу ауруханаға жеткізілді.
Науқастардың бірі үйіне жіберілсе, басынан жарақат алған бір азамат нейрохирургия бөлімшесінде ем алып жатыр.
Ал 1989 жылғы үшінші науқастың жағдайы тым ауыр дейді дәрігерлер.
Бақытжан Қойбеков, Маңғыстау облыстық ауруханасы жансақтау бөлімінің меңгерушісі:
- Екі науқастың біреуінің жағдайы толықтау есіне келіп, оны нейрохирургия бөлімшесінде палата интенсивная терапияға сол жаққа ауыстырылды. Екінші науқасымыздың жағдайы ауыр. Қосарланған жарақатына байланысты. Бас миының жабық жарақатына, бас миының соғылуына, өкпенің соғылуына жарақатына байланысты. Науқаста травмотический шок дейміз ой соны үшінші дәрежесі. Келген кезде қан қысымы төмен болды.
