Төрт ғасыр бұрын өмір сүрген «мыстандар» ақталды

Бельгияның Ньюпорт қаласының билігі XVII ғасырда мыстандығы үшін айыпталып, өртелген 17 адамды ақтап шығарды. Билік өкілдері оларды «тарихи қателік құрбандары» деп тапты.

                                                                                                  qli.ru 
Жергілікті бұқаралық ақ­парат құралдарының ха­бар­лауынша, төрт ғасыр бұрын, 1602-1652 жылдары Нью­портте 15 адам «мыстан», екі адам «сиқыршы» деп айып­талған. Олар Солтүстік теңіздің жағалауында үлкен алауда өртелді. Азаппен өлтірілген­дердің арасында өңірге белгілі сиқыршы Жанна пан де Дейстер де бар. Жуырда қала бургомистрі Ролан Краб­бе бұл азаматтарды тағылған айыптан ақтап шығарып, олардың ұрпақ­тарынан коммуналдық кеңес пен жергілікті халық атынан кешірім сұрады. Ньюпортте құрбан болғандарға арналған ескерткіш те орнатылды. Жуырда бұл қалада мыс­тандарды еске алу мерекесі өтпек.