Нанобөлшектер бедеуліктің емін тауып беретін болды

Ғалымдар аталық ұрыққа нанобөлшектерді бекітуге қол жеткізді. Бұл – бедеулікті анықтап, жұмыртқа жасушасына дәрі жеткізу үшін қолға алынып отырған әдіс.
Бұл жайлы Ria.ru хабарлайды. Оксфорд университетінің зерттеушісі Наталья Баркалинаның айтуынша, бос конверт тәрізді нанобөлшектер жасу­ша­ның ішіне орналастырылады. Нано­бөл­шектер – шекарасы бар, қатты фазалы оқшау нысан, олардың көлемі 1-100 нанометр болады. Ғалымдар олар­ды кеміргіштердің ұрығына енгі­зу­дің амалын тапты. Ағзаға енген бөл­шектер спермамен әрдайым бірге бо­лып, мамандар солар арқылы қажет­ті ақпаратқа қол жеткізбек. Н.Баркалинаның айтуынша, еркек кеміргіштердің жы­ныстық жасушалары адамдікімен бірдей. Сол себепті келешекте бедеуліктің сирек кездесетін түрін тереңірек зерттеуге мүмкіндік туып отыр.