Әлемдегі ең үлкен телескоп іске қосылды
Канар аралдарына диаметрі 10,4 метр, ауданы 82 шаршы метр болатын атты телескоп орнатылды. Бұл оптикалық қондырғы дүниежүзіндегі ең үлкен телескоп саналып отыр.
Теңіз деңгейінен 2400 метр биіктікке орнатылған қуатты қондырғы атмосфераға енген түрлі бейнені асқан қырағылықпен дер кезінде байқауға мүмкіндік береді. Бұл телескоптың объективіне аспан денелерінің көрінуіне кедергі келтіретін әдеттегі бұлдыраулар мен басқа да құбылыстар әсер ете алмайды. Канар аралдарынан аспан әлеміне ғылыми бақылау жасау жұмыстары осы жылдың соңында басталады. Ғалымдар сегіз қиыр шартараптың жұмбақ болып келген тұстары енді ашылады деп отыр. Астрономиялық нысан құрылысына 100 млн евро жұмсалыпты. Оның ашылу рәсіміне жобаны қаржыландырған Испания королі қатысты.
