Қан тазалығы – денсаулық кепілі

Жылдар өте адам ағзасындағы қанның құрамында уыттар, майлар, шлак т.б. зиянды заттар жиналады. Бұл өз кезегінде адам денсаулығын әлсіретіп, әртүрлі аурулардың пайда болуына әкеліп соқтырады. Сондықтан дәрігерлер қан тазартып отыру керек екенін айтады. Әрине мұндай емді тәжірибелі маманы бар, жаңа инновациялық технологиямен қамтылған орталықта қабылдаған абзал. Бүгінгі таңдағы осындай орталықтың бірегейі – совмин ауруханасы.
Жалпы, әлемде эстракорпоралды ге­мо­қал­пына келтіру тәсілі медицинаның дербес бір бағыты болып, 1998 жылы ұй­ым­дастырылған. Араға үш жыл салып, 2001 жылы ҚР Президенті істері жөніндегі бас­қармасы медицина орталығының кли­никалық ауруханасында экстракорпорал­ды гемотүзету бөлімі ашылды. Бұл Орта Азия­да осы бағытта жасалған алғашқы қа­дам болатын. Бөлім меңгерушісі, меди­цина ғылымының кандидаты, ҚР денсау­лық сақтау ісінің үздігі, жоғары санатты дә­рігер, Жолымбет Мақсұтұлы Тілеуовтің айтуынша, осы 12 жыл ішінде бөлім ма­ман­дары мол тәжірибе жинап, ауруды тез және тиімді емдеуді жолға қойған. Экстра­корпоралды гемотүзету бөлімі соңғы үлгі­дегі қондырғылармен жабдықталған.
Жолымбет ТІЛЕУОВ, Экстракорпоралды гемотүзету бөлімінің меңгерушісі:
– Біздің емханада науқастардың дұрыс ем қабылдауына барлық жағдай жасалған. Кіші медперсоналдан бастап барлық мамандар – өз ісінің білгірі. Ем­деу заманауи жабдықтарды және дерт жұқтыруды болдырмайтын бір рет қа­на қолданылатын материалдарды пай­далану арқылы жүргізіледі. Ғылым күн санап дамып келеді. Соның нәти­же­сінде инновациялық технология да қарқынды дамып отыр. Біздің ауруха­наның ерекшелігі – соңғы үлгідегі жаңа технологиямен жұмыс істеуінде. Біздің бөлімде бүйрек қызметінің асқынған және созылмалы жеткіліксіздігі жағда­йындағы гемодиализ әдісі жүзеге асы­ры­лады. Бұл әдіс бойынша бір сеанста мембрана арқылы 50-100 литр қан айналып шығады. Осындай мөлшер­дегі қан 300 литрдей диализдік сұйық­тықпен қосылып, қанның құрамын улы заттардан тазартып, қажетті элемент­термен толықтырады. Содан соң мем­браналар арқылы ультрасүзгіден өткізу жолымен төрт сағат ішінде 15-30 литр сұйықтықты адам ағзасына құйып, қай­та алып шығады. Әзірге мұндай тех­нология Қазақстан бо­йынша біздің емханада ғана қол­данылады. Біздің емнен кейін нау­қастың бойындағы қуаты артып, өмірге деген құштарлығы еселене түседі. Тақауда «Система марс» деген қон­дырғы алдық. Бұл – жа­санды бауыр қызметін атқаратын аппарат. Сондай-ақ емханада – қан­ның гравитациялық хирургиясы – плаз­ма­ферез, цита­ферез, плаз­мо­сорбция; – қанның кванттық терапиясы – ультракүлгін, лазерлік жарық эн­ергиясымен қанның сапалық құрамына әсер ету; – қан құрамын қалпына келтірудің қыш­қылдандырушы техно­логиясы – қанды озондандыру емдік әдісі жүзеге асы­рылады.
Маманның айтуына қарағанда қан құрамының сапасын арттыруда қолданы­латын тағы бір әдіс – ультракүлгін аутоге­мо­терапиясы. Ультракүлгіндік аутогемо­терапия – бұл ультракүлгін диапазонды жарық энергиясының қанның сапалық құрамына емдік әсеріне негізделген экс­тракорпоралды гемоқалпына келтіру әдісі. Аталмыш әдістің емдеу тиімділігі – ағза­ның жұқпалы ауруларға қарсылығын (им­мундыққалпынакелтірушілікті) күшейту; – бактерияға қарсы, вирусқа қарсы, сү­йел­ге қарсы әсер; – эритроциттердің оттегі сыйымдылығын арттыру; – жасушаларға оттегі мен қоректік заттар жеткізуді жақ­сарту;
– зақымданған жасушаларды қалпына келтіру үдерісін (регенерацияны) қуаттау; – ағзаның қышқылдық-сілтілік балансын қалпына келтіру;
– көмірсутегілерін сыртқа шығаруды жақ­сарту (қант диабеті жағдайында инсу­линрезистенттілікті төмендету).
Процедура барысында 300-500 мл қан заманауи «Юлия» аппаратының көме­гі­мен екі рет ультракүлгін сәуленің әсеріне ұшырайды.
Қорыта айтқанда, денсаулығыңызға ке­пілдік іздесеңіз, совмин ауруханасының экстракорпоралды гемотүзету бөлімі ма­мандарының қызметіне жүгінгеніңіз абзал. Мұндағы озық үлгідегі қондырғылар мен білікті мамандар сіздің денсаулығыңызға кепіл болары хақ.