Алматыдағы кинотеатрлардың біріне көрермендер залдағы еденнен қолданылған шприцтерді тауып алған. Бұл әлеуметтік желі қолданушыларының ашуын тудырды, - деп хабарлайды Alashainasy.kz тілшісі Zakon.kz-ке сілтеме жасап.
21 шілдеде Instagram желісінде Kris P Almaty парақшасында Алматыдағы ең ірі кинотеатрлардың біріне келген адам пайдаланылған шприцтердің дәлізде және орындықтардың астында шашылып жатқанын көрсететін видео жарияланды.
"Мархабат, қараңыз, кинотеатрдағы бірінші қатар. Мұнда не болғаны түсініксіз. Мұнда шприц жатыр... Сұмдық", – дейді әйел.
Жазбада видео Розыбакиев көшесіндегі "Mega Alma-Ata" сауда орталығындағы кинотеатрда түсірілгені нақтыланған.
Әлеуметтік желі қолданушылары шприцті нашақорлар немесе ВИЧ індетін жұқтырған науқастар қолдануы мүмкін деп пікір білдірген:
"Міндетті түрде орындықтар мен едендерді дезинфекциялаңыздар! Ал біреу инфекция жұқтырып алса ше?";
"Сұмдық, камераны қарап, тәртіп бұзушыларды анықтаңыздар";
"Алматыны нашақорлар басып жатыр";
"Қараңғыда тамыр көріне ме екен?".
Zakon.kz редакциясы кинотеатр әкімшілігіне хабарласып, оқиғаға қатысты түсініктеме беруін сұрады.
Соңғы сағатта көп оқылған жаңалықтар осында Massaget.kz