Алматыдағы екі ірі аквапарктың әкімшілігі келген жұрттан қымбат тауарларын сатып алуға мәжбүрлеген.
Қалалық табиғи монополияларды реттеу және бәсекелестікті қорғау департаменті Алматыдағы екі ірі аквапаркке қатысты қозғалған сот ісінде жеңіске жетті. Белгілі болғандай, мекемелердің әкімшілігі қонақтарға өзімен бірге сусын әкелуге заңсыз тыйым салған. Осылайша, олар тұрғындарға өз аумағында сатылатын құны екі есе қымбат тұратын заттарды алуға мәжбүрлепті. Осы былығы әшкере болғаны үшін аквапарк иелері 1 млн теңге көлемінде айыппұл төлеуге міндеттелді. Департамент мамандарының айтуынша, тұрғындар аквапаркке өзі сатып алған сусындар мен тез бұзылмайтын тағамдарды алып келуіне толықтай құқығы бар. Ал, әкелуге тыйым салған нысандар туралы ақпаратты бірден департаментке хабарлауды сұрайды. +
"Департамент аквапарктердің кіре берісінде өзімен сатып алынған тағымдық өнімдер мен сусындарды алып кіруге және пайдалануға тыйым салатындығы анықталды. Жүргізілген баға мониторингі нәтижесінде департамент аквапарк аумағында сатылатын чипсы, кириешки, сусындардың бағасы дүкен, супермаркеттегі бағалармен салыстырғанда екі есе көтеріңкі сатылатындығы анықталды",- деді Алматы қалалық Табиғи монополияларды реттеу департаментінің бөлім басшысы Динара МҰҚАЕВА.
almaty.tv