Жаңашыл дәрігер тәнге манипуляция жасау арқылы емес, онымен келісімге келе отырып, тиімділігі медицинада әлдеқашан дәлелденген әдістер арқылы дертті жеңуге болатынын айтады. Дәрігердің нәтижелі емін емделушілер де жоққа шығармайды, - деп хабарлайды Alashainasy.kz тілшісі 24.kz-ке сілтеме жасап.
«Қатерлі ісіктен құлан-таза айығуға болады». Интегративті медицина клиникасының негізін қалаушы Дмитрий Раевский осылай деді.
Атыраулық Азамат Ғалиевтің 2021 жылы мойнында лимфа түйіндер қабынып, екі рет биопсия тапсырады. Алайда дәрігерлер нақты диагнозын анықтай алмайды. Ауруы асқынған соң Стамбұлға барып, толық тексеруден өтеді. Түрік дәрігерлері мұрын қуысының қатерлі ісігін анықтайды. Химиотерапия, сәулелі терапия ем-шаралары нәтиже бермей, шарасыз науқас, Дмитрий Раевскийдің алдына келеді. Екі аптадан соң-ақ үмітім ояна бастады, - дейді ол.
Азамат Ғалиев, науқас:
- Мен екі аптадан кейін тамақ іше бастадым. Үш аптадан кейін өз қалпыма келе бастадым. Мен сездім, бұл кісінің емі жүріп жатқанын іштей сездім. Көңіл-күйім көтеріліп, прогулкаға шығамын, таза ауға шығамын, жүгіре бастадым спортпен. Айжарымда МРТ-ға барып бауырымды түсіргенде бәрі тап-таза шықты. Қасымда анам болды. Қарындасым болды. Бәрі сол жерде жылап мәз болып.
«Мен жаңадан ештеңе ойлап тапқан жоқпын», - дейді Дмитрий Раевский.
Нәтиженің құпиясы 50 жылдан астам уақыттан бері қолданылып келе жатқан кинезология, остеопатия, вирусотерапия сияқты әдістерді кешенді түрде, қажетіне қарай тағайындай білуде.
Оған қоса тибет медицинасы мен түпсанаға әсер ету арқылы ем жүргізу қатерлі ісікті түбірімен жоюға мүмкіндік береді.
Жалпы бір жарым жылда 70-ке жуық науқас дертінен айыққан.
Дмитрий Раевский, интегративті медицина клиникасының негізін қалаушы:
- Науқастар маған соңғы үміттерін арқалап келеді. 4-стадиядан жазылып, аяққа тұрып кеткендер көп. Науқаспен сөйлесіп, оның түпсанасын зерттей келе ауру тудырған күйзелісті алып тастауға болады. Одан кейін рак клеткалары баяу кете бастайды.
Әйелдердің сүт безінің қатерлі ісігі, бауыр рагі, мидың қатерлі ісігін ешқандай химиялық терапия қолданбай емдеп жазуға болады, - дейді Дмитрий Раевский.
Дегенмен, адам денсаулығын жақсартуға бағытталған кез келген әдіс тиянақты ғылыми талдауды қажет ететіні анық.