Ауғанстанда 2015 жыл бейбіт адамдар көп қырылған ең қанды жыл болды. БҰҰ-ның есебі құрбандар санының осымен жетінші жыл қатарынан артып отырғанын дәйектейді. Былтыр елдегі әртүрлі қақтығыстардан 3 мың 545 адам ажал құшып, 8,5 мыңдайы жарақат алған. Бұл алдыңғы жылмен салыстырғанда 4 есе көп. Марқұмдардың 37%-ы құрлық үстінде жүргізілген ұрыс қимылдары кезінде, 21%-ы жолдарға қойылған мина жарылыстарынан, ал 17%-ы жанкештілердің кесірінен көз жұмған. Құрбандардың көбі – әйелдер мен балалар. Халыққа қарсы шабуылдардың басым бөлігін «Талибан» лаңкестері жасаған.
24.kz/kz/zha-aly-tar/lemde/item/106214-andy-zhyl-boldy