Қазақстанның бір тұрғынының денсаулығына арналған шығындар көлемі 56 мыңнан 122 мың теңгеге дейін ұлғайтылды.
Бұл туралы брифингте денсаулық сақтау бірінші вице-министрі Тимур Сұлтанғазиев айтты.
Оның айтуынша, МӘМС пакетінде консультациялық-диагностикалық қызметтерге жіберілген сомалар биыл 25 млрд теңгеден 364 млрд теңгеге дейін - 14 есе өске.н
Ал жоғары технологиялық медициналық қызметтерге жұмсалған шығыстар 3,5 есе, 24 млрд теңгеден 84 млрд теңгеге дейін ұлғайды.
"Осылайша, еліміздің бір тұрғынына денсаулық шығыстары 56 мың теңгеден 122 мың теңгеге дейін өсті", - деді ол.
Ол МӘМС шектері жыл сайын ақшалай түрде де, көрсетілетін медициналық қызметтер көлемінде де кеңейіп келе жатқанын атап өтті.
Оның айтуынша, егер 2019 жылы арнайы мамандардың 20 миллионға жуық консультациясы және диагностикалық зерттеулер көрсетілсе, өткен жылы сақтандырылған пациенттер дәрігерлік қабылдауларды, зертханалық талдауларды және аспаптық диагностиканы қоса алғанда, 142 миллион медициналық қызмет ала алды.