Замбияда бұрын-соңды болмаған ерекше әрі ең көңілсіз үйлену тойы болды. Той күйеу жігіттің қатысуынсыз өтті, - деп хабарлайды Alashainasy.kz тілшісі Azattyq Ruhy.kz-ке сілтеме жасап.
Үйлену тойының жүргізушісі Мубита Наваның айтуынша, ол 30 жылдық тәжірибесінде мұндай жайтты еш кездестірмеген екен.
Асаба үйлену тойының бұған дейін екі рет кейінге шегерілгенін, себебі күйеу жігіт шетелде болғандықтан, виза алып, билет сатып алуға үлгермегенін атап өтті. Оқиғадан бір апта бұрын күйеу жігіт қалыңдығына телефон соғып, салтанатты рәсімге қатыса алмайтынын, оның орнын ағасы алмастыра тұратынын айтқан.
«Бұл ақпаратты қалыңдық та, ағасы да растады. Бұл мен қатысқан таңғаларлық оқиға болды. Той күйеу жігітсіз өтті», - дейді Нава.
Асабаның айтуынша, бұл ең көңілсіз үйлену тойларының бірі болыпты.
«Менің ойымша, қалыңдық жігітке ғашық болған, ал күйеу жігітте еш сезім болмаған, яғни біржақты неке болған сияқты», - дейді ол.
Соңғы сағатта көп оқылған жаңалықтар осында Massaget.kz