Қазақ қыздары қазақ жігіттеріне сенбейді, сол үшін шетелдікпен жүреді
Бұдан бұрын біздің сайтымыз қазақ қыздарына қатысты бірнеше мақала жазған. Сонымен бірге қазақ қыздарына қырындаған өзге ұлттың өкілдері туралы видеолар да жариялағанбыз. Бұл өз кезегінде әлеуметтік желідегі оқырманның назарынан тыс қалмапты. Ұлы дала баласы атты қолданушы өзінің әлеуметтік желідегі парақшасында аталған мәселеге қатысты өз көзқарасын білдірген екен.
«Жаңалықтардан оқыған шығарсыздар. «Намысты жігіт қазақ қыздарын түріктен және т.б өзге ұлттардан қорғапты» деген. Менін ойымша қазақ қыздарын қазақ жігіттерінен де қорғаған жөн деп ойлаймын.
Себебі қызды алдап жатқан қазақтар бірнеше қызбен қатар жүріп, кейбіреулерінің көз жастарына қалуда. Олар түнде жылап, күндіз күліп мұңдарын жасырып жүреді іштей. Намысты жігіттер кайда сонда? Өз басына келеді… Жұрттың қызын жылатқан жандар өз туған әпке-қарындасынын жылағанын көреді. Біреуге жасаған жамандығың қайталанады деген осы.
Қыздар қазақ жігіттеріне сенбейді, сондықтан олар түрікпен де, басқамен де қол ұстасып жүреді. Мәселе бұл жерде тек қана ақшада емес, басқа да факторлардың әсер ететіні анық. Сен мейлі қызды жүз жерден қорға бұдан еш нәтиже шықпайды.
Қыздың ен алдымен өзі қорғаныста болуы қажет. Яғни, өзін өзі қорғай білуі қажет сонда ғана нәтиже береді» депті Ұлы дала баласы атты қолданушы.
kaz.365info.kz
