Ұмсын Әбиболлақызы Балабиева
Ұмсын Әбиболлақызы Балабиева 1960 жылы 11 ақпанда Қызылорда облысының Жаңақорған кентінде дүниеге келген. Алматы халық шаруашылығы институтының жоспарлау-жабдықтау факультетін экономист мамандығы бойынша тәмамдаған (1983). 1977 жылы - Сырдария аудандық баспасының терімші шәкірті (Қызылорда облысы). 1983 жылы - Қызылорда облыстық атқару комитеті еңбек бөлімінің экономисі. 1986 жылы - Алматы облыстық атқару комитетінің еңбек бөлімінің экономисі. 1988 жылы - Алматы облыстық Еңбек және жұмыспен қамту бас басқармасында еңбек жағдайларын және жалақы шарттарын нормалауды ұйымдастыру секторының аға экономисі; 1991 жылы - еңбек жағдайлары мемлекеттік сараптамасының І дәрежелі маманы, 1992 жылдың наурызынан - жетекші маманы. 1993 жылы - Алматы облыстық жұмыспен қамту орталығының еңбек бөлімінің бас маманы, 1994 жылы - еңбек нарығы мен жұмыспен қамту бағдарламаларын талдау бөлімінің бастығы, 1997 жылдың наурызынан - еңбек нарығын және жұмыспен қамту бағдарламаларын болжау секторының меңгерушісі, 1997 жылдың шілдесінен - ақпараттық жүйелер бөлімінің бастығы. 1999 жылы - Алматы облыстық әкімдігі Еңбек және халықты әлеуметтік қорғау басқармасы тұрғындарды жұмыспен қамту мәселелері жөніндегі бөлімінің бас маманы. 2002 жылы - Алматы облыстық әкімдігі Еңбек және халықты әлеуметтік қорғау басқармасының өмір сүру деңгейі төмен және нашар қамтамасыз етілген отбасыларға әлеуметтік қолдау көрсету бөлімінің бастығы. 2005 жылы - Алматы облыстық Жұмыспен қамту мен әлеуметтік бағдарламаларды үйлестіру басқармасының әлеуметтік нормативтер және халыққа әлеуметтік көмек көрсету бөлімінің бастығы. 2006 жылы - Алматы облыстық Жұмыспен қамту мен әлеуметтік бағдарламаларды үйлестіру басқармасы бастығының орынбасары. 2010 жылдың мамырынан бері - Алматы облыстық Жұмыспен қамту және әлеуметтік бағдарламаларды үйлестіру басқармасының бастығы.
Облыстағы көрсетілетін әлеуметтік көмек түрлері мен тұрғындарға қолдау көрсету тақырыбындағы 15 мақаланың авторы. «Нұр Отан» ХДП мүшесі. «Қазақстан Республикасының тәуелсіздігіне 10 жыл» медалімен марапатталған (2001).
