Қайрат Кеңесбекұлы Жауханов
Қайрат Кеңесбекұлы Жауханов 1967 жылы 7 мамырда Қарағанды облысы Жезқазған қаласында дүниеге келген. 1988 жылы М.М. Раскова атындағы Тамбов жоғары әскери ұшқыштар авиациялық училищесін бітірген.
ҚР Көлік және коммуникациялар министрлігі Азаматтық авиация комитетінің нормативтік-құқықтық қамтамасыз ету және кадрларды дайындау бөлімінің бастығы, «Авиакомпания Евро-Азия Эйр» АҚ Алматы филиалы директоры, «Авиакомпания Евро-Азия Эйр» АҚ бірінші вице-президенті, «Атырау халықаралық әуежайы» АҚ бас директоры лауазымдарын атқарған. 2009 жылдан бастап «Астана халықаралық әуежайы» АҚ Президенті лауазымын атқарады.
Мемлекеттік наградалары: «Ерен еңбегі үшін» медалі, (2010), «Қазақстан Республикасының тәуелсіздігіне 20 жыл» мерейтойлық медалі (2011), ҚР ТКМ Министрінің, Астана қаласы әкімінің, Қазақстан Республикасының Азаматтық авиация төрағасының құрмет грамоталары.
2012 жылы қаңтарда 19-сайлау округінен бесінші шақырылым Астана қаласы мәслихатының депутаты болып сайланды. Құрылыс, экология, көлік, сауда және тұрғын үй-шаруашылық мәселелері жөніндегі тұрақты комиссияның мүшесі. «Нұр Отан» ХДП мүшесі.
