Мәжит Садықұлы Байтенов 1949 жылы 21 маусымда дүниеге келген. Алматы көркемсурет училищесін, Қарағанды мемлекеттік университетін тәмамдаған. Суретші, Қазақстан Республикасы Суретшілер одағының мүшесі, Қазақстанның еңбек сіңірген өнер қайраткері.
Ол бірқатар халықарлық, бүкілодақтық, республикалық көрмелерге қатысқан. Оның туындылары Ә.Қастеев атындағы, Ж.Шарденов атындағы көркемсурет мұражайларында, Астанадағы, Қарағандыдағы, Павлодардағы Мәдениет министрлігінің көрме дирекциясында сақтаулы. М.Байтенов тарихты, түркі халықының салт-дәстүрінен хабардарлығының арқасында өзінің туындыларында сол деректерді кеңінен қолданады. Мысалы, оның көптеген картиналарында Тамғалы тастағы бұқаның суреті салынған. Сондай-ақ қылқалам шебері ауыл тақырыбын да жиі қозғайды. Алайда оның шығармашылығының бір ерекшелігі ол өз кескіндемелерін авангардтық, абстрактілі стильде салады.
Мәжит Садықұлы Байтенов
Последние статьи автора