Марат Жаңабергенұлы Оразбеков

 Марат Жаңабергенұлы Оразбеков 1960 жылы 12 қазанда Ақтөбе облысында дүниеге келген. Алматы теміржол көлігі инженерлер институтын (қазіргі М.Тынышбаев атындағы Қазақ көлік және коммуникациялар академиясы), және Қазақстан Республикасы Президентінің жанындағы Мемлекеттік қызмет академиясын тәмамдаған. Құрметті теміржолшы.
Еңбек жолын 1977 жылы аудандық қаржы бөлімінде нұсқаушы болып бастаған. 1986-1990 жылдары - Арыс қаласындағы локомотив депосында электрмашина цехының шебері, бас технологы, бас инженері. 1990-1992 жылдары - Халық депутаттары Арыс қалалық кеңесінің аға референті. 1993-2003 жылдары - Қазақстан Республикасы Көлік министрлігінің теміржол көлігі департаментінің бөлім бастығының орынбасары, бөлім бастығы, директордың орынбасары, директоры. 2003-2006 жылдары - Қазақстан Республикасы Көлік және коммуникация министрлігінің Теміржол көлігі комитеті төрағасының орынбасары. 2006-2008 жылдары - Қазақстан Республикасы Көлік және коммуникация министрлігінің Көлік және қатынас жолдары комитеті төрағасы қызметтерін атқарған. 2008 жылғы қазан айынан бастап «Самұрық-Қазына» Ұлттық әл-ауқат қоры» АҚ-ның көлік активтері дирекциясының директоры.
«Ерен еңбегі үшін» және «Астанаға 10 жыл» медальдарымен марапатталған.