Илья Александрович Ильин
Илья Александрович Ильин 1988 жылы 24 мамырда Қызылорда қаласында дүниеге келген. Қорқыт ата атындағы Қызылорда мемлекеттік университетінің дене шынықтыру факультетінде оқыған. Әлемнің үздік ауыр атлеті, екі дүркін Олимпиада чемпионы, үш дүркін әлем чемпионы, Қазақстанның еңбек сіңірген спорт шебері.
2001 жылғы желтоқсанда Семейде өткен ел чемпионатында Қызылорда қаласының мектеп оқушысы 13 жасар ауыр атлетші арнайы жүлдеге ие болды. 2005 жылы 17 жасында жасөспірімдер арасындағы әлем чемпионы болды. Осы жылғы 15 қарашада Катардың Доха қаласында 2005 жылғы чемпионаттың таңдаулы зілтеміршісі атанды. 2006 жылы Қытайда жастар арасындағы әлем чемпионы атанды. Осы жылы Санто-Домингода 94 келі салмақ санатында әлем чемпионы болды. 2006 жылдың желтоқсанында Катардағы Азия ойындарында 94 келі салмақта 401 келі нәтижемен чемпион атанды. 2008 жылы Бейжің Олимпиадасында жеңімпаз болып, алтын медальды жеңіп алды. 2010 жылы Қазақстанның және Азия ойындарының чемпионы. 2011 жылы Парижде үш дүркін әлем чемпионы атанды. 2012 жылы Лондон Олимпиадасында әлемдік және олимпиадалық рекорд жасап екінші рет Олимпиада чемпионы атанды. «Құрмет» және «Барыс» ордендерімен марапатталған.
