Дайыр Әділбекұлы Көшеров
Дайыр Әділбекұлы Көшеров 1977 жылы 10 қаңтарда Маңғыстау облысы Ақтау қаласында дүниеге келген. Индиана Университетін (Блумингтон қаласы, АҚШ), Қазақ мемлекеттік басқару академиясын бітірген, «Сертификатталған қаржы талдамашысы» бағдарламасынан өткен.
1998-2000 жылдары - «Ақ ниет» кәсіпорны бас бухгалтерінің орынбасары, ішкі аудит департаментінің директоры. 2000-2005 жылдары «ABN AMRO Asset Management» ЖАҚ бас бухгалтерінің орынбасары, тәуекелдік менеджері, бөлім бастығы, портфельдік менеджер, бас портфельдік менеджер. 2005-2006 жылдары - «Интергаз Орталық Азия» АҚ корпоративтік қаржыландыру департаменті директорының орынбасары, директоры. 2006-2008 жылдары - «ҚазТрансГаз» АҚ-ның корпоративтік қаржыландыру департаментінің директоры. 2008 жылғы наурыз-қыркүйек айларында - «ҚазТрансГаз» АҚ-ның қаржы директоры. 2008-2012 жылдары - «ҚазТрансГаз» АҚ-ның экономика және қаржы жөніндегі басқарушы директоры. 2012 жылғы маусымнан бастап «ҚазТрансГаз» АҚ бас директорының экономика және қаржы жөніндегі орынбасары.
