Аманжол Жазыұлы Жазин
Аманжол Жазыұлы Жазин 1943 жылы 5 сәуірде Солтүстік Қазақстан облысы Новопокровка ауылында дүниеге келген. Қоғам және мемлекет қайраткері.
1970 жылы Целиноград ауыл шаруашылығы институтын, 1985 жылы Жоғары партия мектебін тәмамдаған. 1961 жылы Ерейментау стансасындағы тепловоз депосында машинистің көмекшісі, Қазақстан ҒА химия және металлургия институтында лаборант. 1962-1966 жылдары Астрахан ауыл шаруашылығы механикаландыру училищесінде шебер, оқытушы. 1966-1975 жылдары «Целиноэнергоремонт» кәсіпорнында инженер. 1975-1988 жылдары Атбасар ауданы партия комитетінің хатшысы, Астрахан атқару партия комитетінің төрағасы, Теңіз ауданы партия комитетінің 1-хатшысы. 1988-1997 жылдары Ақмола облыстық экономика және сауда басқармасы бастығының орынбасары. 1997-2003 жылдары Ақмола облысы тәртіпке шақыру Кеңесінің төрағасы. 2003-2007 жылдары Ақмола облысы мәслихатының хатшысы қызметтерін атқарды. 2007-2011 жылдары ҚР Парламенті Мәжілісінің IV шақырылымының депутаты болды. «Құрмет» ордені және медальдармен марапатталған.
