Түркістанда 11 жастағы қыз жоғалды
Түркістан полициясы жоғалған жасөспірімді іздестіруде, - деп хабарлайды Alashainasy.kz тілшісі POLICE_of_KZ телеграм арнасына сілтеме жасап.
Інжу 2012 жылы туған. Бойы 130-135 см, шашы ұзын қара-қоңыр түсті.
Үстінде жейде, қара джинсы шалбар, аяғында қара түсті спорттық аяқ киім болған.
Жоғалған қызды іздеуге тәжірибелі полицейлер тобы жұмылдырылды.
Жоғалған жасөспірімнің анасы кәмелет жасына толмаған қызының 25 наурыз күні сағат 17:00 шамасында үйден ойнауға шығып, қайтып оралмағанын хабарлады.
Кәмелетке толмаған қыз туралы ақпарат пен суреті барлық полиция бөлімдеріне жіберілді.
Полицейлер жасөспірімнің баруы мүмкін жерлерді мұқият тексеріп, оның таныстарымен сөйлесті.
Учаскелік инспекторлар ойын-сауық орындары мен саябақтарды тексеруде.
Іздеу жарияланған жасөспірім туралы қандай да бір ақпарат болса, Түркістан қалалық полиция басқармасының кезекші бөліміне 8-725-33-97-40-94, 8-747-497-42-24, 8-701-480-78-88 нөмірлері арқылы немесе 102 арнасына хабарласуды сұраймыз
