Шымкент қаласында жекеменшік үйлердің бірінде газ баллоны жарылды, - деп хабарлайды Alashainasy.kz тілшісі Otyrar.kz-ке сілтеме жасап.
Төтеншеліктердің мәліметінше, 26 қаңтар кешкі сағат 19:20-да Диваев пен Мәделі қожа көшелерінің қиылысында орналасқан жекеменшік үйде газ баллоны жарылған. Салдарынан жекеменшік үйдің қабырғасы опырылып, өрт басталған.
Белгілі болғандай, жекеменшік үйді көпбалалы отбасы жалға алып тұрған. Отбасыда төрт бала бар. Ер адам балаларды үйден шығарып үлгерген, алайда өзі жарақат алған. Олдереу ауруханаға жеткізілді.
Өрт сөндірушілердің айтуынша, үйде 50 литрлік газ балоны жарылған, тағы екі баллонды құтқарушылар дер кезінде далаға шығарып үлгерген.