Павлодарда 25 жастағы әйел ағасына қорқынышты хабарлама жіберіп, кейін жоғалып кеткен
Vita іздеу жүйелері кешеден бері 1998 жылы туған Әсем Тайлақованы іздеуде, - деп хабарлайды Alashainasy.kz тілшісі Pavlodarnews.kz-ке сілтеме жасап.
Еріктілердің айтуынша, екі кішкентай баласы мен олардың анасының тағдырына алаңдаулы жолдасы дабыл қаққан.
– Қазір жастар ажырасу сатысын өткеріп жатыр. Әйел адам кеше түске таман кетіп, ағасына «Кешіріңіз, мен суға батып кетемін» деген сөздермен SMS жолдаған. Сол сәттен бастап Әсемді ешкім көрмеген, ол жұмысқа шықпады және үйіне оралмады, – дейді еріктілер.
Бүгін іздестіру кезінде әйелді бейнебақылау камерасынан көріп қалған. Ол Ж. Мұса көшесі, 7Б мекенжайы бойынша орналасқан үйдің кіреберісінен шыққан. Әрі қарай «Minimarket» дүкенінің жанынан өтіп, облыстық балалар ауруханасына қарай бет алған.
Егер де Әсемді көрген немесе оның орналасқан жері жайлы білген жағдайда еріктілердің нөмірлері бойынша дереу хабарласуды сұрайды. +7 747 615 55 63 (Катерина), +7 777 334 82 01 (Светлана).
