Астанада салынып жатқан ғимараттың 16-қабатынан ер адам құлап кетті
Астанада жаңадан салынып жатқан ғимараттың 16-қабатынан ер адам құлап мерт болды, - деп хабарлайды Alashainasy.kz тілшісі Zakon.kz-ке сілтеме жасап.
Бұл туралы Астана полиция департаменті хабарлады.
12 тамызда Алматы аудандық полиция басқармасының кезекші бөліміне құрылыс алаңында ер адамның 16-қабаттан құлап кеткені туралы хабар түскен.
"Оқиға орнына полиция қызметкерлері барды. Құрылыс жұмыстары кезінде жұмысшы желдеткіш шахтаға құлап кеткен. Ол алған жарақаттарынан сол жерде көз жұмды" –деп мәлімдеді Астана полиция департаментінің баспасөз қызметі.
Аталған факті бойынша ҚР Қылмыстық кодексінің 277-бабы бойынша сотқа дейінгі тергеу амалдары жүргізіліп жатыр.
Қажетті сараптамалар тағайындалды.
Соңғы сағатта көп оқылған жаңалықтар осында Massaget.kz
