АрселорМиттал шахтасындағы өрт: 5 кенші әлі табылған жоқ
17 тамыз сағат 10:00-де «АрселорМиттал Теміртау» АҚ-ға қарасты «Қазақстан» шахтасында конвейер таспасы өртеніп, апат болды, - деп хабарлайды Alashainasy.kz тілшісі Нalyq-uni.kz-ке сілтеме жасап.
Шахтадан 222 адам шығарылды, алты адам ауруханаға жатқызылды. Оларлың төртеуі көміртегі тотығымен уланған: екеуінің жағдайы ауыр. Олар Қарағанды ауруханасына жеткізілді. Ал екеуі жеңіл түрде уланған, қазір Шахтинск ауруханасында ем алып жатыр.
Сағат 16:40-тағы жағдай бойынша, шахтада қалған 5 жұмысшыны іздеу жалғасып жатыр. Өрт шыққан шахтадағы қатты түтін іздеу жұмыстарын қиындатып отыр.
Кеншілерді іздеуге 5 бөлімше қызметкері жұмылдырылды, - деп хабарлады «АрселорМиттал Теміртау» өкілі Сергей Огай.
Өрт шыққан 170 метр тереңдіктегі шахтада 227 адам болған. Ресми хабарламаға сенсек, 222 кенші жер бетіне шығарылды, қалған бес кенші әлі іздестіріліп жатыр.
Соңғы сағатта көп оқылған жаңалықтар осында Massaget.kz
