Алматыда қайғылы жағдай. Көше жиегінде кетіп бара жатқан зейнеткер жерге құлап, оқиға орнында көз жұмды, - деп хабарлайды Alashainasy.kz тілшісі "Экспресс К"-ға сілтеме жасап.
Қарт кісінің қайтыс болғаны жайлы ақпар әлеуметтік желіде тарады. Бейнежазбада оқиғаның қаладағы Мустафин мен Рысқұлбеков көшелерінің қиылысында болғаны жазылған.
Көше жиегінде жедел жәрдем көлігі мен полицейлердің тұрғанын байқайсыз. Ал жерде адам денесі жатыр.
Бүгін таңғы сағат 9:10-дар шамасында ер адам қайтыс болды, — делінген бейнежазбада.
Аталған жайтты қалалық полиция департаментінде растады. Онда тұрғынның өз ажалынан өлгенін топшылап отыр.
Сараптама тағайындалған.
Қазіргі уақытта оқиғаның мән-жайы анықталуда.